ILOILO CITY – Nagpanugyan ang Bureau of Animal Industry sa publiko nga likawan ang mga sapat nga mahimo magdala sang balatian nga novel coronavirus.
Ini matapos nga ginkumpirma sang Department of Health kahapon, Enero 30, nga nagpositibo ang isa ka 38-anyos nga Chinese nga babayi sa amo nga virus kag subong, nagapabilin ang biktima sa San Lazaro Hospital sa Manila.
Sa interview sang Bombo Radyo kay Dr. John Roel Hilario, regional veterinary quarantine officer VI sang Bureau of Animal Industry Western Visayas, iya ginpahayag nga ang coronavirus ang makit-an sa mga sapat nga makabig exotic kaangay sang civet cats ukon singgarong, kulunaknit, kag camel.
Apang, suno sa opisyal, may iban pa nga sapat nga may yara sang coronavirus kaangay sang ido, kuring, kag kabayo.
Suno kay Dr. Hilario, indi gid maayo sundon ang ginahimo sang mga tawo sa China nga nagakaon sang amo nga mga exotic nga mga sapat.
Magluwas sini, ginpahayag ni Hilario nga kun mahimo, indi man magbakal ukon mag-hunting sang mga layaw nga kasapatan.
Ginahingyo man sang natungdan nga magsunod sa veterinary quarantine regulations.
