Nagapabilin nga brain dead ang isa ka bus driver sa France matapos nga ginsaputi sang mga kalalakihan nga wala niya ginpasakay bangud wala ang mga ini nakasuksok sang face mask.
Suno sa pulis sa Bayonne, malapit sa ritzy Alantic resort sang Biarriz sa southwestern France, lima ka mga lalaki ang nagapabilin na subong sa ila kustodiya bangud sa nasambit nga insidente.
Nagtuyo kuntani nga masakay ang isa ka lalaki upod ang iya ido sa bus apang wala siya gintugutan sang driver samtang ang apat niya ka mga pasahero ang iya man ginpapanaog bangud wala ang mga ini nagasuksok sang mask.
Ang pagsuksok sang mask sa public transport ang mandatory sa France sa diin malapit 30,000 na nga mga kabuhi na ang na-utas tungod sa COVID-19.
