Iloilo City – Tatlo ka mga pasahero ang nagapabilin sa ospital matapos nagtakilid ang isa ka bus sa dalan sa Barangay Calacja 1, Hamtic, Antique.
Nahibaluan nga may sakay nga 31 ka mga pasahero ang bus nga nagikan sa Iloilo City kag padulong sa Aklan.
Sa interview sang Bombo Radyo kay Police Senior Master Sergeant Oliver Villanueva, imbestigador sang Hamtic Municipal Police Station, iya ginpahayag nga nadulaan sang preno ang bus rason nga nagtakilid ini.
Ang driver amo si Loven Magbanua, 43, residente sang Barangay Aglosong, Concepcion, Iloilo.
Suno kay Villanueva, indi pamilyar si Magbanua sa lugar bangud bag-uhanon pa lang ini sa pag-drive sang bus.
Ginpahayag sang natungdan nga yara na sa estable nga kondisyon ang tanan nga mga pasahero kun sa diin tatlo nalang diri ang nagapabilin sa ospital.
Yara na subong ang driver sa kustodiya sang Hamtic, Antique Municipal Police Station.
Posible naman pasakaan sang kaso ang driver sang Reckless imprudence resulting to multiple physical injuries and damage to properties.
