Nagnubo ang business confidence sa Pilipinas sa ikaduha nga quarter sang tuig 2021.
Suno kay Redentor Paolo Alegre Jr., senior director sang Department of Economic Statistics sang Bangko Sentral ng Pilipinas (BSP), humalin sang Abril tubtob Hunyo, nanaog sa 1.4 percent halin sa 17.4 percent ang calculated percentage sang mga kompaniya nga nagsabat sang ‘yes’ sa Business Expectations Survey (BES) sa pinakauna nga quarter sang tuig.
Pahayag ni Alegre, mas nagnubo ang kumpyansa sang mga negosyo bangud sa asud-asud nga pagtimbuok sang kaso sang COVID-19 partikular na sa National Capital Region (NCR) Plus nga nagresulta sa inflation ukon pagsaka sang presyo kasunod sang supply constraints.
Ang confidence index para sa ikatatlo nga quarter sang tuig ang nagnubo man sa 31.4 percent halin sa 42.8 percent sang nagligad nga poll.
