Indi pabor ang grupo sang mga negosyante sa posible pagbalik sang lockdowns sa Pilipinas kun magtimbuok ang kaso sang delta variant sang COVID-19.
Suno kay Presidential Adviser for Entrepreneurship Joey Concepcion, lockdown matuod ang paagi agud nga matapna ang kaso apang piangon naman sini ang ekonomiya sang pungsod.
Ini ang rason nga suno kay Concepcion nga indi dapat pag-ilockdown ang bilog nga ekonomiya kundi ang mga tawo lang nga wala nabakunahan batok sa COVID-19.
Ginpahayag man ni Concepcion nga naduso na niya ini nga ideya kay Health Secretary Francisco Duque III kag posible nga mapatuman ini nga polisa sa tatlo ka katapusan nga bulan subong nga 2021 kun may bastante na nga bakuna sa Pilipinas.
Ginapahayag nga tilawan ang pagpatuman sini nga polisa sa Lapu-Lapu City sa Cebu.
