Ginasaulog subong nga bulan sang Agosto ang Buwan ng Wika.
Tema subong sang kahiwatan ang Filipino at mga Katutubong Wika: Kasangkapan sa Pagtuklas at Paglikhâ.
Sa interview sang Bombo Radyo kay Prof. Jose Julie Ramirez, Assistant Professor sa College of Arts and Sciences, Humanities Division, sa University of the Philippines Visayas, iya ginpahayag nga ang tema sang Buwan ng Wika ang indikasyon nga padayon ang pagsunod sang Komisyon sa Wikang Filipino sa katungdanan sini sa nasaad sa Section 14 sang Republic Act 7104, nga magapatigayon sang conference, seminar kag iban pa nga pagsinapol agud maghibalo kag magbulig sa pagsolbar sa mga problema kag mga isyu may kaangtanan sa pagpauswag, pagpalapta kag pagpreserba sang Filipino kag iban pa nga lengwahe sa Pilipinas.
Pamatuod man ang tema subong sang Buwan ng Wika sa komitment kag paghugpong sang Komisyon sa Wikang Filipino sa 2022—2032 International Decade on Indigenous Languages sang United Nations Educational, Scientific and Cultural Organization (UNESCO).
Nagapanguna nga katuyuan sini amo ang pasanyugon ang kinamatarong sang mga tumandok sang pagpalayag sang ila kaugalingon, pag-angkon sang akses sa edukasyon, kag pagpasakop sa mga aktibidad sa komunidad gamit ang Filipino nga lengwahe bilang nagapanguna nga pamaagi sa pagpabilin sang nga buhi sang lengwahe nga ginakahangaw-an nga madula.
