Gin-athag ni Iloilo Governor Arthur Defensor Jr. nga pwede makabyahe ang mga residente sang Western Visayas sa kalapit probinsya sang rehiyon.
Ini matapos nagpagwa sang bag-o nga travel protocol ang National Inter-Agency Task Force subong nga adlaw, Marso 23 tubtob Abril 4 sa diin ang mga ‘essential travelers’ lamang ang pahanugutan nga magbyahe pasulod kag pagwa sa Western Visayas’.
Sa interview sang Bombo Radyo kay Defensor, iya ginpahayag nga masarangan sang domestic traveler sa Western Visayas nga mabalanse ang ekonomiya sa tunga sang COVID-19 pandemic.
Pabor man ang gobernador sa paghugot sang IATF sang travel protocol sa sulod sang Rehiyon 6.
Suno kay Defensor, mas maayo nga tutukan anay sang rehiyon nga mapapas ang lapnagon nga kaso sang COVID-19.
Indi man dapat magsalangisag ang mga tawo sa rehiyon bangud wala sang problema ang byahe kag travel sa sulod lamang sang Western Visayas.
