ILOILO CITY – Indi na madayon sa Lunes, Mayo 18, ang byahe sang passenger vessel kasubong sang fast craft kag RoRo nga may ruta Iloilo-Bacolod vice versa.
Ini ang ginkumpirma sa Bombo Radyo ni Maritime Industry Authority 6 Director Jose Venancio Vero kasunod sang hingyo ni Negros Occidental Governor Eugenio Jose ‘Bong’ Lacson.
Sa interview sang Bombo Radyo kay Vero, iya ginpahayag nga nagpadala sa iya sang appeal letter si Gov. Lacson nga sa Hunyo 1 lang maga-umpisa ang byahe bangud sa kahangawa sa Coronavirus Disease 2019 (COVID-19).
Nahibaluan nga nagpaguwa man sang Executive Order ang gobernador tuhoy sa pagdumili sang byahe sang passenger vessel sa Negros Occidental.
