ILOILO CITY – Magabalik na umpisa buwas nga adlaw, Hunyo 16, ang byahe sang fast craft nga may ruta Iloilo-Bacolod vice versa.
Ini ang ginkumpirma ni Iloilo City Mayor Jerry Trenas kasunod sang ila pag-istoryahanay ni Bacolod City Mayor Evelio ‘Bing” Leonardia.
Suno kay Treñas, sakop lamang sang byahe amo ang mga Ilonggo kag Negrense lakip na diri ang mga Locally Stranded Individual sa Iloilo kag Negros Island kun sa diin wala na sang dukomento nga dapat dal-on sa pagbyahe.
Gin-athag ni Treñas nga ang mga Locally Stranded Individuals naman nga halin sa Metro Manila ukon sa iban pa nga bahin sang pungsod ang kinahanglan nga mag-agi sa nagakaigo nga proseso kag quarantine protocol.
