Ginsuspendi liwat subong nga aga ang biyahe sang mga fiberglass boats halin Iloilo padulong Guimaras sa Parola Wharf bangud sa indi maayo nga kondisyon sang panahon.
Suno sa Philippine Coast Guard Iloilo Station, ginbasihan nila ang kanselasyon sa presensya sang ulan kag posible nga mabaskog nga hangin.
Antes sini, may pila ka mga sakayan nga nakalarga pa mga alas 5:50 sang kaagahon antes gin-untat ang operasyon.
Padayon nga ginamonitor sang PCG ang kahimtangan sang panahon para sa posible nga pagbalik sang biyahe.
BY: BOMBO RAY GERALD BADIANG
