ILOILO CITY- Kanselado sa gihapon suno sa Coast Guard ang byahe sang mga motorbangka nga may byahe Iloilo-Guimaras vice versa.
Sa interview sang Bombo Radyo kay Deputy Commander Senior Chief Petty Officer Albino Rodriguez sang Philippine Coast Guard-Iloilo Station, iya ginpahayag nga kanselado sa gihapon ang byahe sang motorbangka bangud gina-obserbahan pa nila ang dalagan sang panahon kag mamadlos pa ang hangin kaangay sang sitwayson kahapon.
Pahanugutan lang suno kay Rodriguez nag makabyahe ang roro vessel nga Felipe sang FF cruz shipping Corporation kag mangin ruta sila amo ang Iloilo-Jordan Guimaras.
Sa subong, nagapadayun ang byahe sang Roro vessel pakadto kag pabalik sa Guimaras agud magdala sang mga pasahero nga luyag makapauli sa ila tagsa ka mga pamilya.
Samtang padayun ang byahe sang Roro nga may byahe Iloilo-Bacolod via Dumangas port.
