ILOILO CITY–Nabatyagan na sang isla sang Boaracay ang epekto sang bagyo Rosita nga nagalaslas sa pungsod.
Sa interview sang Bombo Radyo kay Lt. Commander Joe Luviz Mercurio, station commander sang PCG-Aklan, iya
ginpahayag nga temporaryo nga ginre-route sa Tabon Jetty Port padulong sa Tambisaan Jetty Port and Vice
Versa ang byahe sang sakayan-pandagat padulong sa Boracay umpisa kahapon nga adlaw.
Sa pagpaathag ni Mercurio, tuman ka taas ang balod sa Caticlan Jetty Port padulong sa Cagban Jetty Port and Vice Versa.
Sa pihak sini, wala ginpa-untat sang PCG ang byahe sang sakayan-pandagat sa isla.
Ang mga sakayan nga may katig ang 24/7 nga makabyahe samtang ang mga sakayan naman nga wala sang katig ang ginapahanugutan lamang nga makabyhe tubtub alas 10 sanga gab-i.
Gindumili-an man ang paglangoy sa dagat umpisa alas 6 kahapon sang kasisidmon agud nga malikawan ang
disgrasya.