ILOILO CITY- Magabalik na umpisa buas, Hunyo 1, ang byahe ang mga fastcraft kag sea vessels nga may ruta Iloilo City- Bacolod City and vice- versa sa tion nga indi madayon ang extension sang Modified Enhanced Community Quarantine status sang Iloilo City.
Sa interview sang Bombo Radyo kay Engr. Jose Venancio Vero, Maritime Industry Authority Region 6 Director, iya ginpahayag nga sa tion nga indi pag-aprubahan sang National Inter- Agency Task Force ang hingyo ni Iloilo City Mayor Jerry Treñas nga i-extend ang MECQ, ibalik sa normal ang byahe sang mga sea vessels.
Nahibaluan nga sa subong, essential travels lang ukon ang mga nagabyahe nga yara sa essential sectors lang ang ginatugutan nga makabyahe sa amo nga ruta magluwas pa sa mga essential goods.
