Gintudlo sang Civil Aviation Authority of the Philippines nga ang malaba nga pila sang mga pasahero ang rason kun ngaa ginkakas ang initial screening sa Iloilo International Airport.
Sa ginpatigayon nga committee hearing, nagpahayag si Mr. Arthur Parreño, Terminal Supervisor sang Civil Aviation Authority of the Philippines (CAAP) nga nakalab-ot na sa talatapan sang Department of Transportation (DOTr) nga madamo ang nagareklamo sa tuman ka laba nga pila rason nga ginpauntat ini sang nagligad nga Oktubre 10, 2025.
Gin-athag man niya nga bisan wala ang initial screening, gindugangan man ang security sa paluparan.
Ang ginpatigayon nga joint committee hearing sang 15th Sangguniang Panlalawigan ang kasunod sang nagluntad nga shooting incident sa sulod sang Iloilo International Airport sang Enero 28,2026 bangud sa pasahero nga may dala nga kutsilyo kag nagbato sa otoridad sang kumpiskahon kuntani ini.
