Ginahulat sang Chairman sang Committee on Transportation sa Iloilo City Council ang sabat sang Land Transportation Franchising and Regulatory Board (LTFRB) sa iya ginpadala nga sulat kaangot sa mga blue taxi sa siyudad.
Sa interview sang Bombo Radyo kay Atty. Sedfrey Cabaluna, iya ginpahayag nga luyag niya mahibaluan kun ano kag paano na-determine sang amo nga opisina nga kinahanglan pa sang siyudad sang dugang nga mga taxi.
Suno kay Cabaluna, ulihi na niya nahibaluan nga may 100 ka mga unit sang blue taxi nga magaabot sa siyudad bangud wala sang natabo nga koordinasyon sa iya opisina kag Local Government Unit (LGU).
Dugang ni Cabaluna, isa ini sa mga ginakabalak-an sang Association of Taxi Operators of Panay (ATOP) kag iban pa nga mga sektor sang transportasyon nga mahimo makaapekto sa ila palangabuhian.
 angot sa mga blue taxi sa siyudad.){kind=link}