Nakakita kana bala sang cactus nga tuman ka taas?
Madamo sang mga pictures sa social media ang nagalagaw sa diin makit-an ang cactus nga tuman ka taas sa kilid sang building sa Tokyo, Japan.
Gin post sang isa ka netizen nga si Yang ang kontrobersyal nga mga pictures sang building nga iya nakit-an sa Takinogawa, Tokyo Metropolitan Area.
Apang indi ang building ang nangin sentro kag nakakuha sang atensyon sa mga netizens kundi ang mataas nga cactus.
Sa una nga paglantaw ni Yang, nagdumdom siya nga poste lamang nga duag green ang nagatindog sa kilid sang building apang sang iya ginpalapitan, isa gali ini ka cactus.
Pahayag ni Yang, may yara mismo sang tawo nga naga atipan sa cactus sa diin iya ini ginahigtan agud indi ini mabali kag ginakuhaan man niya sang tunok agud malikawan ang aksidente.
Indi man mapat-od kun pila na ang edad sang cactus ukon ano nga sahi sang cactus ini bangud tuman ini ka pinasahi.
Sa subong, ang Mexican Giant Cardon cactus ang nagakapot sang Guinness World Record nga pinakamataas nga cactus sa bilog nga kalibutan.
