ILOILO CITY–Naimpito ang isa ka Civilian Armed Forces Georgraphical Unit (CAFGU) rason nga iya gintiro detachment commander sa sulod sang detachment sa Barangay Daan Sur, Tapaz, Capiz.
Sa exclusive interview sang Bombo Radyo sa suspetsado nga si Bonnie Jimenez, 39-anyos, sang Brgy. Taganhin, Tapaz, Capiz, iya ginpahayag nga bag-o niya matiruhan si Staff Sgt. Ronilo Esoy,  40-anyos , sang Brgny. Dayhagan, Pilar, Capiz, naglisensya pa siya sa biktima nga magpauli sa ila balay kaupod ang iya tiayon.
Ginsulit pa gid ni Jimenez ang paglisensya apang nakibot na lamang siya sang ginbubuyayaw kag ginli-ab siya ni Esoy.
Naglain pa gid ang buot ni Jimenez bangud nga nasaksihan mismo sang iya tiayon ang ginhimo sa iya sang detachment commander.
Gilayon siya nga nagbiya sa opisina suno kay Jimenez kag nagbalik sa iya foxhole.
Gintuad man ni Jimenez nga ini ang labing una nga kahigayunan nga ginsakit siya ni esoy.
Santo pa sa panaysayon sang suspetsado, wala na siya nakapaminsar sang maayo kag ginbalikan sa opisina kag ginluthang ang detachment commander.