Nakarekord sang isa ka kaso sang dengue ang Barangay Calajunan, Mandurriao, Iloilo City.
Sa interview sang Bombo Radyo kay Punong Barangay Efrain Tagaytayan, iya ginpahayag nga ang infected sang dengue amo ang isa ka babaye nga ginabulubanta naga-edad 50 anyos kag naga-istar sa isa ka subdividion nga sakop sang Calajunan.
Nagalaum ang punong barangay nga indi na madugangan pa ang kaso sang dengue sa ila nga barangay.
Sa subong, nagapanawagan si Tagaytayan sa mga pumuluyo sang Calajunan nga indi magtinamad sa paglimpyo sang ugsaran ilabi na ang mga nagapondo nga tubig nga ginatiniran sang mga lamok.
