CALINOG, ILOILO – Gintumod sang Philippine National Police ang banwa sang Calinog, Iloilo bilang potensyal nga “election hotspot”.
Sa interview sang Bombo Radyo kay Police Colonel Bayani Razalan, director sang Iloilo Police Provincial Office, iya ginpahayag nga ang pagpaidalom sa isa ka lugar sa “election hotspot” ang ginabase sa historical data sang tinalikdan nga October 30, 2023 Barangay and Sangguniang Kabataan Elections.
Suno kay Razalan, sang nagligad nga piniliay, nag-inaway ang mga supporters sang mga kandidato sa Cahigon Elementary School sa Calinog sa diin may tiruhay nga natabo.
Sa nasambit nga insidente, pilason ang supporter sang isa ka kandidato sa pagka-barangay captain sang ginluthang matapos ini nagboto.
Nahibaluan nga sa tion nga ipaidalom ang isa ka lugar sa “election hotspot”, ini ang mahimo ipaidalom sa kontrol sang Commission on Elections (COMELEC).
