ILOILO CITY – Ginkoronahan bilang Miss Iloilo Dinagyang 2018 ang call center agent nga si Demi Patria Reyes Jainga.
Nagpangibabaw ang katahum kag kaalan sang AB Psychology graduate gikan sa 13 ka mga kandidata nga nagpasakop sa Miss Dinagyang 2018.
Ginpabilib sang 25-year old beauty queen nga tumandok sang Landheights Subdivision, Jaro, Iloilo City, ang mga judges kag ang audience sa sabat sini sa question and answer portion.
Sa final question, ginsabat ni Jainga ang pamangkot gikan kay 2016 Miss Universe-Philippines Maxine Medina kun nga-a importante sa iya ang kilalahon bilang Miss Iloilo Dinagyang 2018.
Para kay Jainga, ang mangin Miss Iloilo Dinagyang indi lang titulo kundi mangin tingog kag nawong para sa pagpahibalo sang kultura sang mga Ilonggo.
“For me, being the Miss Iloilo Dinagyang is not just about the title. It’s not just about being a beauty queen and Miss Iloilo Dinagyang. It’s about being the voice, the feast of Iloilo Dinagyang. Not just Iloilo Dinagyang but Iloilo City. Miss Iloilo Dinagyang is the speaking advocate of Ilonggos so that they’ll be aware of our rich culture and heritage. That is to go back to our timeless culture, tradition and devotion,” auno kay Jainga.
Naghakot sang awards ang beauty queen nga nakuha ang Best in Swimwear, Best in Interview, Best in Festival Costume kag madamo pa nga corporate awards.
Sadto pa nagapasakop sa mga beauty pageants si Jainga ku sa diin nangin Miss Central Philippine University runner-up ini kag nangin Miss Carabao Caroza Queen Festival third runner-up.
Samtang ginkoronahan naman bilang Miss Iloilo Dinagyang Foundation Inc. si Ruffa Nava nga nangin finalist sa Binibining Pilipinas 2017 kag nakuha ang Miss Congeniality Award.
Miss Dinagyang Iloilo City si Maria Liza Lizada samtang first runner-up si Kristine Cassandra Cambronero kag second runner-up si Patricia Mae delos Santos.
Nagserbe nga judges sanday Miss International 2013 Bea Rose Santiago, Miss Universe-Philippines 2016 Maxine Medinakag ang pambato sang pungsod sa Miss Universe 2017 nga si Rachel Peters.
Nangin hurado man ang ginbansagan catwalk king nga si Sinon Loresca, Mister Universal Ambassador 2nd runner-up Andrea Biando kag Asia’s Next Top Model winner Maureen Wroblewitz.
Espesyal nga dinapit si Tourism Sec. Wanda Teo samtang nagserbe nga host sang coronation night nga ginpatigayon sa University of San Agustin gymnasium si 2011 Miss Universe 3rd Runner-up shamcey Supsup-Lee.
Ginaselebrar karon sang Iloilo City ang ika-50 nga anibersaryo sang world-renowned Dinagyang Festival.