Ikaw na bala ang masunod nga most beautiful girl in the universe?
Ginbuksan na sang Miss Universe Philippines ang applications para sa 2023 pageant!
Dapat nga at least 18 to 27 years old, female, kag Filipino citizen ang aplikante.
Wala man sang specific minimum height requirement para sa screening process sa sini nga edition.
Suno pa sa announcement, mahimo maka apply ang beauty queens bisan ano pa ang ila nga civil status, lain sa kinaandan nga pageant kun sa diin ginabutang gid nga dapat wala nakasal kag wala nakaagi busong ang beauty queen.
Ini matapos ginkumpirma ni Paula Shugart, presidente sang Miss Universe organization, nga ang 72nd edition sang pageant ang magapahanugot na sa mga iloy kag mga asawa nga mag-intra sa kumpetisyon.
Mahimo ma fill out sang aspiring beauty queens ang application form kag i-send ang accomplished copy sa contact@missuniverseph.com not later than January 29, 2023, 11:59 pm.
Ang nagauyat subong sang Miss Universe Philippines title amo si Celeste Cortesi sang Pasay kag amo ang magatiglawas sang Pilipinas sa 71st international pageant sa United States sa maabot nga Enero.
