Ginpasalamatan ni Prince Charles ang iya nga iloy nga si Queen Elizabeth kasunod sang anunsyo sini sa publiko nga luyag niya nga mangin Queen Consort ang Duchess of Cornwall nga si Camilla kun mangin hari na si Prince Charles.
Si Camilla amo ang ikaduha nga asawa ni Prince Charles. Sang nag-asaway sila ni Prince Charles sang 2005, gin-anunsyo nila nga dapat nga “Princess Consort” ang itawag kay Camila apisar nga may kinamatarong man ini sa titulo nga mangin Queen.
Ginapahayag nga nangin sensitivite lang ang duha bangud ang titulo nga para sa reyna ang para gid kuntani kay Diana nga amo ang una nga asawa ni Charles.
Ini man ang rason kun ngaa nga wala gingamit ni Camilla ang titulo nga Princess of Wales.
Apang sang Sabado, sa iya nga 70th anniversary sa iya pagbulos sa trono, ginpahayag ni Queen Elizabeth, nga sincere wish sini nga kun mag-abot na ang tyempo, dapat nga kilalahon nga Queen Consort si Camilla.
Daku ini nga intervention halin kay Queen Elizabeth bangud siya lang ang nagaisahon nga persona nga amo ang maka-define sang royal titles.Matandaan nga nangin sentro anay sang kontrobersiya si Camilla bangud sang pagbulagay nanday Charles kag Diana sang mid-90s.
Ginpahayag ni Diana nga si Camilla ang rason kun nga naguba ang ila nga pag-asawahay ni Charles. “There were three of us in this marriage, so it was a bit crowded.”
Pagkasunod nga tuig, gin-ako ni Prince Charles ang amo nga infidelity, apang ginpahayag sini nga nangin “unfaithful” lamang siya sang nag-“crumble” na ang ila nga pag-asawahay ni Diana. ##
