Magabukas sang iya kampanya sa 2026 Canadian Open ang Filipina star nga si Alex Eala pinaagi sa rematch batok sa American player nga si Alycia Parks.
Bag-o lang nga nag-angkon sang iya una nga titulo sa WTA Tour sa Mubadala DC Open ang 21-anyos nga Pinay tennis sensation.
Makasambuwa sini ang world no. 71 nga si Parks sa Round of 64 sang amo nga WTA 1000 tournament.
Nagkit-anay na anay ang duha sa first round sang Australian Open sang Enero sa diin nadag-an ni Eala ang una nga set antes nakabalos si Parks pati na sa decider set.
Sa sini nga tion, target ni Eala nga makabalos kag mapadayon ang iya maayo nga performance agud mapataas pa ang iya world ranking antes sang US Open.
Naglab-ot si Parks sa Round of 64 matapos mapierde si Victoria Jimenez Kasintseva sa straight sets, samtang si Eala nakabaton sang first-round bye bilang ika-25 nga seeded player sang tournament.
Patigayunon 8:00 bwas sa aga ang ila hampang.#
