Ginpakigbahin sang Ilonggo nga cancer survivor ang pagbaton sini sang memorabilia halin kay Pope Francis.
Ini amo si Earl John Aquidado, isa ka altar server sa Parokya ni San Tomas de Villanova sa Alimodian, Iloilo.
Sa interview sang Bombo Radyo kay Aquidado sang Barangay Dalid, Alimodian, iya ginpahayag nga anom ka mga holy rosary ang iya nabaton halin sa Santo Papa.
Suno kay Aquidado, nagsulat siya sa Santo Papa sang Disyembre 2020 kag nagsabat man ini pinaagi kay
Monsignor L. Roberto Cona.
Tatlo ka mga rason ang ginlakip sini sa sulat sa Santo Papa, una amo ang pagdumdom sang 500 ka tuig nga Christianity sa Pilipinas, anniversary sini bilang altar server kag ang pag-deteriorate sang ikaayong lawas sang iya iloy nga may cancer sa spine.
Amo na lang ang kalipay sini sang Abril 28, 2021 matapos nagpadala ang holy rosary ang Santo Papa sa iya.
Ginpahayag sini nga sunod-sunod ang pagtaliwan sang iya mga himata, apang sa pihak sini, wala nadula ang iya pagtuo sa diin nakabulig man ang mga holy rosary agud maghatag sang kabakod sa iya.
Ang nasambit nga mga Holy Rosary kag ang reply sang Santo Papa pinaagi sa sulat ang sa subong, nalakip sa mga exhibit sa San Tomas de Villanova kaupod ang iban pa nga mga memorabilia sang pontiff.
