Nadala sa Top 15 sa Runway Challenge sang Miss Universe Philippines 2021 ang tatlo ka mga matahum nga mga kandidata halin sa Western Visayas.
Ini amo sanday Antique candidate Noelyn Rose Campos, Aklan candidate Christelle Abello kag Capiz pride Cheri Angel Anne Flejoles.
Nagpanganguna sa resulta sa amo nga challenge ang pambato sang Cebu nga si Steffi Aberasturi, ikaduha si Asia’s Next Top Model winner Maureen Wroblewitz, kag ikatatlo ang actress nga si Kisses Delavin.
May isa pa ka challenge nga kinahanglan antes ma-anunsyo ang Top 50 ladies nga amo naman ang magapaindis-indis para sa Miss Universe Philippines 2021 crown.
Matandaan nga si Kisses, Ayn, kag Maureen amo ang Top 3 sa Headshot kag Video Introduction Challenges sa amo nga kumpetisyon.
Sa Septyembre 25 ang coronation night sang amo nga beauty pageant.
