ILOILO CITY – Wala na naglaton pa sa kaiping nga balay ang kalayo matapos nasunog ang isa ka Canine training center sa Block 3, Lot 10, Ledesco Village, La Paz, Iloilo City.
Sa interview sang Bombo Radyo sa tag-iya nga si Giro Gabasa, tag-iya sang nasambit nga training center, iya ginpahayag nga gilayon nga nakaresponde ang mga bombero rason nga wala na naglaton ang kalayo sa ila balay nga kaiping man lang sang nasunog nga training center.
Suno kay Gabasa, madasig nga nag-ibwal ang kalayo bangud man sa tuman ka init nga tiyempo.
Ginpahayag nga naglab-ot sa 15-20 minutos ang paglamon sang kalayo kag natabuan nga wala sang tawo kag wala man sang ido sa sulod sang training center sang natabo ang sunog.
Apisar sang natabo, nagapasalamat ang tag-iya bangud wala nalakip sa sunog ang 10 ka well-trained nga mga ido kag wala man sang may napilasan sa insidente.
