ILOILO CITY – Cardiac Arrhythmia ang ginkamatay sang 31 anyos nga biktima sang ginapahayag fogging sa Brgy. San Pedro, Molo, Iloilo City.
Ini ang santo sa medical certificate sang biktima nga si Cherry Lyn Adelante.
Sa interview sang Bombo Radyo kay Daisy Ponce De Leon, iloy sang biktima, iya ginpahayag nga buwas nga adlaw, natalana nga pagadal-on sa ila balay ang bangkay sang iya anak.
Suno kay Ponce De Leon, ginprangka siya sang doktor nga yara sa kritikal nga kondisyon ang iya anak matapos nawad-an sang hangin ang iya ulo kag nag-untat na sa pag function ang iya tagipusuon.
Ginpahayag ni Ponce De Leon nga ginsaylo nila sa pampubliko nga hospital si Cherry Lyn sa diin ginpanugyan man sang doktor nga kun indi makabugtaw sa sulod sang duha ka adlaw ang biktima, tuman ka diutay ang kahigayunan nga mabuhi pa ini.
Sa pihak sang natabo, ginpahayag sang natungdan nga wala man niya ginabasol ang ginpatigayon nga fogging apang wala naman sang iban nga rason sa kamatayon sang biktima.
Nahibalu-an nga magluwas kay Adelante, patay man ang isa ka tuig nga lapsag bangud sa ginapahayag fogging.
