Ikatatlo si Cardinal Luis Antonio Tagle sa pasunod sang 133 ka mga cardinal nga magaboto sa bag-o nga Santo Papa.
Base sa report sang Catholic Bishops’ Conference of the Philippines (CBCP), “by order of precedence” ang casting sang boto sa papal election — buot silingon, una ang “cardinal-bishops” nga amo ang may pinakamataas nga ranggo sa College of Cardinals.
Ang una amo si Italian Cardinal Pietro Parolin nga amo ang nagpungko nga secretary of state sa idalom ni Pope Francis, samtang ikaduha nga elector naman si Cardinal Fernando Filoni nga amo ang former apostolic nuncio to the Philippines kag prefect sang old Congregation for the Evangelization of Peoples.
Nagasunod naman kay Cardinal Tagle ang Amerikano nga si Francis Prevost; kag panglima si Louis Raphaël I Sako sang Chaldean Catholic Church.
Kasunod sang cardinal-bishops sa pagboto ang 108 cardinal-priests kag 20 cardinal-deacons. Nakabase ini sa adlaw kun san-o sila ginhimo nga kardinal.
Lakip diri sa cardinal-priests ang duha ka Pilipino.
Ika-72 si Archbishop of Manila Jose Advincula nga nangin cardinal sang 2020; samtang ika-103 naman ang Bishop of Kalookan kag CBCP President nga si Pablo Virgilio David nga nangin kardinal naman sang nagligad gid lamang nga 2024.
Sa Sistine Chapel sa Vatican nagatingob ang 133 Cardinals para magboto sang bag-o nga lider sang Roman Catholic Church. Sa una nga gab-i sang Conclave, nagguwa ang itom nga aso sa chimney sa chapel nga isa ka patimaan nga wala pa sang napilian nga bag-o nga Pope.#
