Bilang selebrasyon sang pagpungko ni Cardinal Robert Francis Prevost bilang bag-o nga Santo Papa, nag-post ang Augustinian community sa Cebu sang mga laragway sang nagkadto ini anay sa amo nga probinsya sang 2004.
Sang amo nga tion, siya ang Prior General of the Augustinians.
Lakip sa iya nga ginkadtuan amo ang Santo Nino de Cebu Parish sa Barangay Mohon, Talisay City sa ika-19 nga anibersaryo sang ila nga Canonical Foundation bilang Domus Formata.
“With great joy, the Augustinian Province of Santo Niño de Cebu–Philippines joins the Catholic Church in praying for Robert Cardinal Prevost, OSA—now Pope Leo XIV—as he begins his ministry as the 267th Supreme Pontiff,” post sang Order of Saint Augustine – Province of Santo Niño de Cebu.
Nagbisita man ini sa Intramuros sang 2010 kun sa diin nagselebrar ini sang Mass sa San Agustín Church kadungan sang Order of Saint Augustine’s Intermediate General Chapter.
Si Cardinal Prevost ang 267th head sang Roman Catholic Church kag una nga Santo Papa halin sa Order of Saint Augustine ukon Augustinians.
Naeleher siya sang 133 ka cardinal electors pasado alas dose kaina sang kaagahon oras sa Pilipinas.
