Gin-aprubahan ni Pope Leo XIV ang eleksyon kay Cardinal Luis Antonio Tagle bilang dean sang College of Cardinals.
Suno sa report sang Catholic Bishops’ Conference of the Philippines (CBCP) News subong nga gab-i, magabulos si Tagle kay Cardinal Giovanni Battista Re, 92 anyos, nga nagaserbe sa amo nga posisyon halin Enero 2020.
Si Tagle amo ang pro-prefect sang Section for First Evangelization and New Particular Churches sang Dicastery for Evangelization nga responsable sa mga mission territories kag bag-o nga natukod nga mga partikular nga simbahan.
Ang iya eleksyon nagadugang sa importante nga mga katungdanan sang Filipino cardinal sa Vatican.
Gina-eleher ang Dean sang College of Cardinals halin sa mga cardinal-bishops.
Sandig sa inisyal nga reports, magaserbe si Cardinal Tagle sa lima ka tuig nga termino. Bangud sang posisyon, naangkon niya ang titulo sang Suburbicarian Church of Ostia samtang ginapabilin ang title nga Suburbicarian Church of Albano.
