𝗜𝗟𝗢𝗜𝗟𝗢 𝗖𝗜𝗧𝗬 — Nagsabat ang caretaker sang anay ginarentahan nga balay sang 17 ka mga Chinese Nationals nga ginapahayag nga facilitators para sa Filipino kag foreign clients sang cybersex operation sa Iloilo City.
Sa interview sang Bombo Radyo sa caretaker, iya ginpahayag nga sa subong, wala na sang tawo ang amo nga balay, apang ang tag-iya gid mismo ang nagsaylo bangud nabiktima man sang undocumented nga Chinese nationals.
Suno sa caretaker, tuyo nga paistaran ang amo puluy-an sa mga anak sang tag-iya apsar nga nabilinan pa sila sang mga balaydan sang mga Chinese National matapos naaresto sang otoridad.
Ginpaathag man sini nga bangud sa natabo nga raid sa balay, daw kaangay nga nadudla na ang tag-iya nga iparenta ang puluy-an.
Ginpahayag man sang caretaker nga ang mga nagasulod nga salakyan sa balay ang nagahakot lamang sang kagamitan.
