STA. BARBARA, ILOILO – Wala sang ihibalo ang caretaker sang balay ni anay Technical Education and Skills Development Authority director general Augusto “Boboy” Syjuco Jr. tuhoy sa kamatayon sang anay government official.
Nagpamalibad nga maghatag sang recorded interview ang caretaker nga si alyas Fred bangud sa rason nga wala siya sang kinamatarong nga maghatag sang pahayag tuhoy sa kamatayon ni Syjuco.
Santo sa pahayag ni Fred, nagpadulong sa Singapore si Syjuco agud nga magpabulong apang wala siya sang ihibalo kun ano gid ang balati-an sang iya amo.
Sa pagkamatuod suno kay Fred, sa Bombo Radyo pa niya nabati-an ang tuhoy sa masubo nga balita.
Ginapahayag nga sang 2016 ang pinaka-ulihi nga pagpauli sa Sta. Barbara, Iloilo sang anay Second District Representative.
