Nagtuga sang daku nga sunog ang pagbungguanay sang isa ka oil tanker nga may karga nga jet fuel kag isa ka cargo ship sa northeast coast sang England.
Ang mga barko nga involved amo ang U.S.-flagged chemical tanker nga Stena Immaculate kag ang Portuguese-flagged container ship nga Solong.
Isa ang padayon nga ginabulong sa ospital, samtang ginkumpirma man sang local member sang parliament sa London nga hilway na sa katalagman ang 36 ka crew members halin sa duha ka mga barko.
Nagbulig sa pag-rescue ang helicopter sang coast guard, lifeboats kag fire-fighting vessels halin sa malapit nga mga lugar.
Ginapahayag nga halin ang container ship sa Grangemouth, Scotland kag pakadto kuntani sa Rotterdam sa The Netherlands.
Ang Stena Immaculate naman ang parte sang 10 ka tankers nga iya sang Tanker Security Program sang Estados Unidos agud nga mag-suplay sang fuel sa ila nga militar.
Indi pa klaro subong kun ano ang rason sang natabo nga collision.
