CARLES, ILOILO – Gin-akusaran sang isa ka mayoralty candidate sa Carles, Iloilo nga ginagamit sang incumbent mayor ang Pantawid Pamilyang Pilipino Program (4P’s) sang gobyerno sa pamulitika.
Sa interview sang Bombo Radyo kay mayoralty candidate Merly Tupas sang nasambit nga banwa, iya ginpahayag nga dapat indi magpagamit ang mga 4P’s beneficiary sa pulitiko.
May yara sang parent leaders suno kay Tupas nga nagapanghatag sang mga sample ballot kag ginapa-shade ang numero ni Mayor Siegfredo ‘Salagunting’ Betita.
Suno kay Tupas, ang nasambit nga tikang ang kaangay sang mind conditioning sa mga botante.
Dugang pa sang natungdan, ang paggamit sang 4Ps sa pamulitika ang indi nagakadapat bangud indi man ini programa sang pulitiko sa baylo iya sang gobyerno.
