Opisyal na nga gin-canonize si Carlo Acutis bilang labing una nga Catholic saint sa millennial generation kahapon nga adlaw, Setyembre 7.
Ang nasambit nga canonization ang ginpangunahan ni Pope Leo XIV kag gintambongan sang linibo ka mga bataon nga tumulu-o nagikan sa nagkalain-lain nga pungsod sa St. Peter’s Square, Vatican City.
Si Acutis nga isa ka British-born Italian boy nga napatay sa edad nga 15 bangud sa akit nga Leukemia.
Sa iya bataon nga edad, nagtuon siya sag computer code agud nga makahimo sang mga website sa pagpalapnag sang iya pagtu-o.
Lakip man sa gin-canonize si Pier Giorgio Frassati nga isa ka Italian nga kilala sa iya pagbulig sa mga nagakinahanglan kag napatay bangud sang polio sang 1920s.
Ginpahayag sang Santo papa nga sanday Acutis kag Frassati ang ehemplo sang pagkabalaan sa tunga sang modern nga kalibutan kag sang pagpalangga sa isigkatawo.
Dugay na nga ginahulat sang mga Catholic youth ang canonization ni Acutis, nga una natalana sang Abril, apang na-delay matapos ang kamatayon ni Pope Francis.
