Gin-sorpresa sang celebrity couple nga sanday Carlo Aquino kag Charlie Dizon ang fans matapos ginsapubliko ang pictures sang ila kasal.
Ginpatigayon ang wedding ceremony sa isa ka pribado nga resort sa Silang, Cavite kag gintambungan sang iban nga mga artista kaangay kanday Sue Ramirez, Belle Mariano, Alexa Ilacad, Elisse Joson, Loisa Andalio, Vilma Santos-Concio, Maricel Soriano, kag iban pa.
Natabo ang seremonya isa ka adlaw lang matapos nadag-an ni Dizon ang Best Actress honors sa 2024 Gawad Urian para sa iya papel sa pelikula nga “Third World Romance.”
Una nga nagguwa ang espekulasyon nga naga-date ang duha sang late 2022 sang nakit-an sila nga magkaupod sa La Union.
Sang Enero 2023 naman sang ginkumpirma nila nga yara sila sa “getting to know each other” stage.
Una sila nag-updanay sa 2020 series nga A Soldier’s Heart, kag nangin star man sa 2023 film nga Third World Romance.
Nahibaluan nga ka-relasyon anay ni Carlo si Trina Candaza kag may anak sila nga si Enola Mithi apang ginkumpirma ang ila pagbulagay sang Abril 2022.
