ILOILO CITY – Wala na sang may mahimo ang aktor nga si Carlo Aquino sa opinyon sang iban nga tawo sa iya.
Suno sa kontrobersyal nga aktor, mas pakamaayuhon niya nga mag-move on nalang sa baylo nga magpa-apekto sa kritisismo sa iya kasunod sang ila breakup ni Trina Candaza.
Dugang pa ni Carlo, ang importante nga transparent siya kag malipayon siya sa tion nga makaupod niya ang iya nga anak.
Wala man sang plano ang aktor nga magpabukot lang sa ila nga balay.
Nasubuan man ini apang suno sa iya, indi man niya gusto nga ipakigbahin sa social media nga nasubuan siya.
Nagapadayon man ang komunikasyon niya kay Trina para sa anak nila nga si Mithi.
