Wala gihapon sang sudlan ang kalipay sang Filipino billiards champion nga si Carlo Biado matapos madinalag-on nga nakahimo sang maragtas para sa pungsod sang nangibabaw ini sa US Open Pool championship sa Atlantic City sa New Jersey.
Ginpierde ni Biado si Aloysius Yapp sang Singapore, 13-8.
Ang 37 anyos nga si Biado ang labing-una nga Filipino nga nakadaug sa amo nga tournament halin sang pagdaug ni Efren “Bata” Reyes sang 1994.
Ini ang labing-una nga kumpetisyon ni Biado sa U.S. Open kag isa siya sa pila gid lamang ka non-Americans nga nakadaug sa US open kag world 9 Ball Championship.
Ang pangalan ni Biado ang nagtib-ong liwat sa hayahay sang Pilipinas isa ka semana matapos nga nangin runner-up man ang Filipina-Canadian-Ecuadorian nga si Leylah Fernandez sa US open tennis tournament.
Sang nagligad man nga mga bulan, si Yuka Saso ang nangin first Filipino player man nga nakadaug sa U.S. Women’s Open golf championship.
