Daog ang tiglawas sang Pilipinas nga si Carlo Paalam batok sa reigning world champion nga si Makhmud Sabyrkhan sang Kazakhstan sa semifinals sang men’s 55kg boxing sa 2026 Asian Games sa Japan.
Nakuha ni Paalam ang kadalag-an paagi sa 3-2 split decision, gani, nag-abante ini sa gold medal bout.
Sa ila nga hampang, nangin agresinbo si Paalam sa una nga round, samtang sa ikaduha naman nga round, napatumba sini si Sabyrkhan bag-o niya madinalag-on nga nakontrol ang hampang tubtob sa ulihi nga round.
Nahibaluan nga si Sabyrkhan amo ang 2025 World Championships gold medalist kag 2024 Asian Championships champion, gani dako ini nga daog para kay Paalam.
Sa finals sa Biyernes, maatubang si Paalam kay Rui Yamaguchi sang Japan, isa ka hometown fighter.
Tuyo ni Paalam nga makuha ang gold medal kag utdon na ang madugay nga paghulat sang Pilipinas para sa boxing gold sa Asian Games.
