Nakuha sang World No. 3 nga si Carlos Alcaraz ang kampyonato sa French Open matapos ginlutos si Alexander Zverev sang Germany sa finals, 6-3 2-6 5-7 6-1 6-2.
Tatlo na ang Grand Slams sang 21-anyos nga Spanish tennis star matapos nabulsa man ang titulo sa Wimbledon sang nagligad nga tuig kag nagpanguna man sa US Open sang 2022.
Naghimo man ini sang record bilang pinakabata nga player nga nagdaog sa French Open kag pinakabata nga nagdaog sang Grand Slam sa tatlo ka surfaces.
Kasunod sini nga kadalag-an kag pag-withdraw sang anay kampyon nga si Novak Djokovic bangud sa injury, magasaka si Alcaraz sa No. 2 sa world ranking.
Si Jannik Sinner naman nga ginlutos man ni Alcaraz sa semifinals ang magasaka halin sa No. 2 pa-No. 1.
Samtang ang Serbian superstar nga si Djokovic ang magapanaog sa No. 1 pa-number 3 samtang ang kalutusan naman si Zverev ang magapabilin sa iya sa iya pwesto sa No. 4.
