Nagapanguna sanday Carlos Yulo kag Alex Eala sa mga nominado para sa Athlete of the year 2025 sang Philippine Sportswriters Association (PSA).
Lunsay nakaangkon sang makasaysayan nga record ang duwa kag naghatag sang kadungganan sa Pilipinas sa tagsa ka sports nga ila ginrepresentar.
Liwat nga ginpamatud-an ni Yulo ang iya titulo matapos nga magdaog ini sang gold medal sa vault kag broze sa floor exercise sa 53rd FIG World Championships sa Jakarta.
Samtang, si Alex naman ang labing una nga Filipina nga nakasulod sa Top 50 sang Women’s Tennis Association (WTA) rankings.
Upod man sa mga nomindao sanday Miguel Tabuena, Chezka Centeno kag Kayla Sanchez.
Pagahiwaton ang Philippine Sportswriters Association (PSA) Awards Night sa Pebrero 2.
