Duha na ka gold medals ang nabulsa sang Pinoy gymnast nga si Carlos Yulo matapos nga nagpangibabaw pa gid sa floor exercise sa 2024 Asian Gymnastics Union Senior Men’s Artistic Gymnastic Championships sa Uzbekistan.
Naka-skor si Yulo sang 14.933 samtang nagpangaduha naman si Milad Karimi sang Kazakhstan (14.600) kag nagpangatlo si Yanzhi Yang sang China (14.200).
Matandaan nga sang Huwebes, nadag-an man sang Filipino pride ang bulawan nga medalya sang nakuha sini ang 84.931 points sa individual all-around nga kategorya sa tournament.
Ini naman ang ikatatlo nga sunod-sunod nga gold medal ni Yulo sa floor exercise sang Asian championships bangud siya man ang nagpangibabaw sa sini nga event sang 2022 kag 2023 editions.
Isa si Yulo sa magatiglawas sang Pilipina sa gymnastics sa Paris Olympics kun sa diin makaupod man sini sanday Aleah Finnegan kag Levi Ruivivar.
