Nag-abot na sa France ang ginabansagan nga “Golden Boy” sang Philippine Team nga si Carlos Yulo sinemana antes ang ginakalangkagan nga pag-arangka sang Paris Olympics.
Gin-abi-abi sang Philippine Embassy officials kag mga myembro sang Filipino community si Yulo nga kaupod ang iya head coach nga si Aldrin Castaneda kag sports occupational therapist nga si Hazel Calawod.
Suno sa anay two-time world champion, gamiton sini ang oras sa training facility sa Metz para mag-ayo pa gid ang iya performance partikular man ang iya stamina.
Matandaan nga sang Sabado sang nag-abot ang una nga batch sang Pino Olympians sa Metz agud nga makahanda sa Olympiada.
Sang Mayo, apat man ka gold medals ang nakuha sang nasambit nga Filipino gymnast sa 2024 Asian Gymnastics Union Men’s Asian Artistic Gymnastics Championships sa Uzbekistan.
Magasugod ang Paris Olympics 2024 sa Hulyo 26.
