Nangulintas sang gold medal ang Filipino Olympian nga si Carlos Edriel Yulo sa parallel bars finals sang Azerbaijan leg sang Artistic Gymnastics World Cup series sa Baku.
Naka-skor ang Pinoy gymnast sang 15.400 nga ginsundan ni Kovtun Illia sang Ukraine nga may 15.366 kag Bernard Cameron-Lie sang France nga may 14.600.
Napaslawan naman si Yulo nga makadangat sa podium sa rings final bangud nagpang-pito lamang ini sa kumpetisyon nga may 14.166.
Subong nga adlaw matapos ang iya Baku campaign kadungan man sang final sa vault kun sa diin isa man siya sa ginabantayan.
Antes sini, apat na ka mga medalya ang nadag-an sang Pinoy Olympian subong nga World Cup series, lakip ang bronze sa parallel bars bronze sa Cottbus, Germany leg. Sa Doha, Qatar naman, nakakuha ini sang gold sa floor exercise, silver sa parallel bars, kag bronze sa vault. ##
