Gintapos sang Filipino gymnast nga si Carlos Yulo ang iya kampanya sa 2024 Asian Gymnastic Union Men’s Artistic Gymnastics Championships sa Uzbekistan nga may apat tanan ka gold medals.
Ini matapos nagpangibabaw pa gid sa duha ka iban nga kategorya nga amo ang vault kag parallel bars sang weekend.
Sa vault event, naka-skor siya sang 14.883; nagapangaduha ang Uzbekistan kag pangatlo ang Malaysia. Sa parallel bars event, naka-skor si Yulo sang 15.133 para sa gold, silver medalist ang China, samtang bronze medalist ang tumandok sang host country.
Antes sini nga duha ka events, gold medalist man ang Pinoy Olympian sa individual all-around kag floor exercise sa amo man nga tournament.
Isa si Yulo sa magatiglawas sang Pilipina sa gymnastics sa Paris Olympics kun sa diin makaupod man sini sanday Aleah Finnegan kag Levi Ruivivar.
