Magapabilin nga suspendido ang operasyon sang Carnival Corp’s (CCL.N) Princess Cruises tubtob matapos ang tion sang summer, bangud man sa travel ban kag kanselado nga mga flights.
Magakansela man sang ila cruises padulong sa Alaska, Europe, Canada, kag New England ang Holland America Line, nga isa man ka unit sang Carnival Cruises, lakip na ang Amsterdam vessel sini ang natalana kuntani magbiya sa Boston sa Oktubre padulong sa Fort Lauderdale Florida.
Suno kay Holland America Line President Orlando Ashford, pinakamaayo nga desisyon sa subong amo ang temporaryo nga pagpauntat sang cruise operations.
Lakip man sa magakansela sang operasyon sang ila lima ka mga cruise ships amo ang Seabourn nga isa man sa mga unit sang Carnival Corp’s.
Nahibaluan nga lakip sa mga kanselado nga trips sang Princess Cruises amo ang padulong sa Hawaii kag French Polynesia.
