ILOILO – Naga umpisa na sa pag release ang Iloilo Provincial Government sang cash aid para sa mga kabanwahanan.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga may mga alkalde pa sa banwa nga naga proseso sang kinahanglan nga dokumento agud mahatag na ang tseke.
Suno kay Defensor, mahimo subong nga semana ma kumpleto na hatag ang cash aid sa tanan nga banwa sa probinsya.
Magluwas sa cash aid, may yara man sang ginhatag ang League of Provinces nga P118 million kag ini ang natalana para sa kinahanglanon sang mga ospital.
Sa pihak nga bahin, may yara man sang rapid test kits ang probinsya sang Iloilo apang indi ini conclusive kag subject sa gihapon para sa confirmatory testing.
Pahayag ni Defensor, nagapatigayon man sang testing ang probinsya para sa mga frontliners, Persons Under Monitoring kag Persons Under Investigation.
