MAASIN, ILOILO – Ipanghatag na sa Sabado, Abril 18, ang P6,000 nga cash assistance sa mga benepisyaryo sang Social Amelioration Program sa Maasin, Iloilo.
Sa interview sang Bombo Radyo kay Mayor Francis Amboy, iya ginpahayag nga masobra sa P36 Million ang nabaton sang Local Government Unit sang Maasin agud nga ipanghatag sa mga kwalipikado nga benepisyaryo.
Suno kay Amboy, hingyuon man niya nga buhinan sang P1,000 ang cash assistance nga mabaton sang tagsa ka benepisyaryo agud nga may ihatag sa mga wala nalakip sa listahan.
Gin-athag ni Amboy nga boluntaryo lamang ang pagbuhin sang nasambit nga kantidad agud nga madamo ang mahatagan sang bulig.
