Ginatudlo ni Palace Press Officer Usec. Claire Castro nga ang destabilizer, obstructionist, fake news kag political noise bilang pila sa mga rason sang indi maayo nga dalagan sang ekonomiya sang Pilipinas.
Suno kay Castro, tinutuyo sang mga ini nga gub-on ang administrasyon kag panubuon sa puwesto ang Presidente nga nakaapekto sa ekonomiya.
Magluwas diri, ginpahayag man sini nga may ara sang epekto ang krisis sa Middle East kag mga kalamidad sa pungsod.
Sabat ini ni Castro sa pamangkot sang spokesperson ni Vice President Sara Duterte nga si Atty. Paolo Panelo kun sin-o ang nagapamahala sa ginapahayag nga guba nga ekonomiya sang pungsod.
