Ginpanginwala ni ACT Teachers Party-list Rep. France Castro ang alegasyon ni Vice President Sara Duterte nga nagpakigkita ang Makabayan Bloc kay House Speaker Martin Romualdez agud nga diskusyunan ang lihok nga impeachment batok sa bise-presidente.
Suno kay Castro, dapat nga kay-uhon ni Sara ang iya ginapanghambal nga impormasyon kag indi magpati-pati sa mga tsimosa ukon marites.
“Unang-una, walang katotohanan na kami sa Makabayan bloc ay nakipagpulong kay House Speaker Romualdez para sa impeachment ni VP Duterte,” suno kay Castro.
“Pangalawa, walang pahayag ang Makabayan bloc noong Setyembre 2023 na nagtutulak kami ng impeachment. Sa katunayan, may pahayag pa nga kami noong Agosto at Nobyembre 2023, na nagsasabi na premature ang usapin sa impeachment,” dugang sini.
Ang sabat ni Castro ang naangot sa video message nga gin-release mismo ni Sara kun sa diin ginpahayag sini nga si Castro mismo ang nagbuyagyag nga may istoryahanay kaangot sa impeachment move batok sa vice president sang Nobyembre.
Gindugang pa ni Sara nga si Castro gid ang yara sa sentro sang diskusyon.
“Kung babalik tayo noong nakaraang taon ay nagsalita na si France Castro noong November 2023, nagsabi na siya, ‘Ay, pinag-uusapan namin ang impeachment ni Inday Sara.’ At nagbigay siya ng mga basehan doon sa ipa-file daw nila na impeachment. Kaya tuloy-tuloy lang ‘yan na pinag-uusapan openly, diyan sa House of Representatives, ang impeachment,” suno kay Sara. “At lagi nandiyan sa gitna si France Castro sa usaping impeachment sa akin.”
“VP Duterte should get her facts straight at hindi puro marites ang source,” buwelta naman sang mamalidha.
Sa isa naman ka statement, nagpahayag ang kaalyado sang mga Duterte nga si former speaker and Davao del Norte 1st District Rep. Pantaleon Alvarez nga isa ka political suicide para sa Kamara nga mag-entertain sa possible nga impeachment complaint batok kay Sara bangud wala man ini nagaserbe para sa interes sang mga Pilipino. Ginsiling man ni Alvarez nga ang pulitika amo ang driving force sa likod sang sini nga mga istorya.#
